Бишкек, 09.11.24. /Кабар/. Бишкекте тайбокс боюнча Кыргызстандын чемпионаты өтөт.
Дене тарбия жана спорт департаментинен маалымдашкандай, мелдеш 10-11-ноябрь күнү Газпром спорт комплексинде болот.
Ага республиканын бардык аймактарынан келген спортчулар катышат.
Алар төмөнкү салмак категорияларында күч сынашат:
- Эркектер: 51, 54, 57, 60, 63.5, 67, 71, 75, 81, 86, 91, +91 кг;
- Кыз-келиндер: 48, 52, 56, 60, 65 кг.
Финалдык беттештер 11-ноябрда башталат.
Чемпионат Спорттун олимпиадалык эмес түрлөрү боюнча дирекциясы жана тайбокс федерациясы тарабынан уюштурулууда.
Пикир
Оставить комментарий