Бишкек, 02.03.22. /Кабар/. Кыргызстандын футбол боюнча улуттук курама командасы Өзбекстанда боло турган Navruz Cup 2022 эл аралык мелдешине катышат. Бул тууралуу Кыргыз футбол бирикмесинен билдиришти.
Турнир 25-29-март күндөрү Наманган шаарында өтөт. Мелдешке Кыргызстандан тышкары Өзбекстан, Тажикстан жана Уганданын командалары катышат.
Мелдештин жобосуна ылайык, командалар плей-офф баскычында кез келип, жарым финалдык беттештер ойнолот. Жеңген командалар финалда, жеңилгендер үчүнчү орун үчүн беттеште кез келишет.
25-мартта Кыргызстандын курама командасы жарым финалда Өзбекстан менен беттешет. Финалдык беттештер 29-мартка белгиленген.
Навруз кубогу 2022 жүгүртмөсү:
Жарым финалдык беттештер (25-март):
16:00 - Уганда — Тажикстан;
20:00 - Өзбекстан — Кыргызстан.
29-март:
16:00 - Үчүнчү орун үчүн беттеш;
20:00 – Финал.
Пикир
Оставить комментарий