Бишкек, 23.03.22. /Кабар/. Бүгүн, 23-мартта КРнын президентинин Ош облусундагы ыйгарым укуктуу өкүлү Зиядин Жамалдинов Кара-Суу районунун Кызыл-Суу айылына жумушчу сапары менен барды. Бул тууралуу өкүлчүлүктүн басма сөз кызматы билдирди.
Маалыматка ылайык, жумушчу сапардын алкагында жергиликтүү эл менен жолугуп, алардын көйгөйлөрүн укту.
“Алыскы Кызыл-Суу айылында эӊ башкы көйгөй бул жолдун начарлыгы, быйылкы жылы 4 чакырым жолго асфальт төшөлөт, акырындап бул көйгөйдү да чечебиз”, - деди Зиядин Жамалдинов
Андан сырткары, жер, бала бакча маселеси, жогорку билимдүү жаштардын шаарга кетип калганына байланыштуу айыл өкмөттө адистердин жетишсиздиги боюнча маселелер айтылып, бул көйгөйлөрдү чечүү боюнча тапшырмалар берилди.
Пикир
Оставить комментарий