Бишкек, 15.03.23. /Кабар/. Өзгөндө "Өспүрүм-түн" рейди өтүп, көзөмөлсүз жүргөн 70 өспүрүм аныкталды. Бул тууралуу Ош облустук ички иштер башкармалыгынан билдиришти.
Маалыматка ылайык, рейддик иш-чаранын максаты балдар арасында кылмыштуулуктун алдын алуу болуп саналат.
Анын алкагында түнкүсүн көчөдө чоң адамдардын коштоосу жок жүргөн өспүрүмдөр аныкталып, ата-энелери жерине чакыртылып, эскертүүлөр берилди.
"Түндө көчөдө көзөмөлсүз жүргөн балдарга жана алардын ата-энелерине түнкү убакытта балдарга карата жана балдар тарабынан укук бузуулардын, кылмыштуулуктун алдын алуу боюнча түшүндүрүү иштери жүргүзүлдү", - деп айтылат маалыматта.
Ошондой эле 54 баланын ата-энесине КР Укук бузуулар кодексинин 74-беренесинин ("Балдардын түнкү убакытта ата-энеси же мыйзамдуу өкүлдөрүнүн коштоосусуз жүргөндүгү") негизинде протокол түзүлдү.
Эскерте кетсек, түнкү саат 22:00дөн эртең мененки саат 06:00гө чейин чоң адамдардын коштоосу жок жүргөн жаш балдарга мыйзамдуу чектөө бар.
Пикир
Оставить комментарий