Бишкек, 21.12.17. /Кабар/. КР жараны Москвага баланы жасалма туулгандыгы тууралуу күбөлүк менен алып чыгууга аракет кылган. Бул тууралуу Мамлекеттик чек ара кызматынын басма сөз кызматы билдирет.
Маалыматка ылайык, 21-декабрда Ош – Москва каттамын түзүү учурунда чек ара кызматкерлери жасалма туулгандыгы тууралуу күбөлүк менен баланы алып чыгууга аракет кылган кыргыз аял кармалган.
55 жаштагы КР жараны жасалма күбөлүк менен 7 жаштагы кызды өлкөдөн алып чыгууга аракет кылган.
Анын айтымына караганда, документтер жоголуп кеткендигине байланыштуу жасалма күбөлүк жасаткан.
Учурда кармалган жаран УКМКнын аймактык бөлүм кызматкерлерине өткөрүлүп берилген.
Пикир
Оставить комментарий