Бишкек, 15.03.22. /Кабар/. Күн мурун, 14-мартта, КР президентинин Жалал-Абад облусундагы ыйгарым укуктуу өкүлү Абсаттар Сыргабаев Казакстандын Ош шщаарындагы консулу Мухтар Карибай менен жолугушту.
Президенттин облустагы өкүлчүлүгүнүн басма сөз кызматынан кабарлашкандай, тараптар эки өлкө мамилелерин жакшыртууда Жалал-Абад облусунда аткарылуучу иш-чараларды талкуулашты.
Мындан сырткары, алдыда тармактардагы инвестициялык байланышты бекемдөө аракеттери колго алынары кошумчаланды.
Мухтар Карибай боордош элдердин мамилелеринде социалдык-экономикалык, маданий байланышты жандантуу, эки өлкөдө тең казак-кыргыз тилдерин жайылтуу аракеттери көрүлүп жатканын билдирди.
Облус өкүлү Жалал-Абадда казак-кыргыз достугун, тыгыз кызматташтыгын жолго коюудагы көптөгөн мүмкүнчүлүктөр бар экенин айтып, сунуш-пикирлерин билдирди.
Пикир
Оставить комментарий