Бишкек, 30.06.23. /Кабар/. Үстүбүздөгү жылдын 29-июнуна карата "Айыл чарбасын каржылоо - 11" долбоорунун алкагында дыйкан-фермерлерге 3 млрд 96 млн сом насыя берилди. Бул тууралуу Финансы министрлигинен билдиришти.
Маалыматка ылайык, долбоорду ишке ашырууга республиканын 2 коммерциялык банкы катышууда, кредиттөөнүн көлөмү 3,3 млрд сом суммасын түзүүдө.
"2023-жылдын 29-июнуна карата бул Долбоордун алкагында республиканын 6 миң 886 айылдык товар өндүрүүчүлөрүнө 3 млрд 96,6 млн сом суммасында жеңилдетилген кредит берилгенди", - деп айтылат маалыматта.
"Айыл чарбасын каржылоо" долбоорун ишке ашырууну улантуу максатында КР министрлер кабинетинин 2023-жылдын 27-февралындагы №72-т тескемеси менен "Айыл чарбасын каржылоо – 11" долбоору бекитилген.
Ата-мекендик айыл чарба өндүрүүчүлөрү тарабынан өсүмдүк өстүрүүчүлүк, мал чарбачылык жана агрардык өнөр жай тармагын өнүктүрүү үчүн жеңилдетилген кредиттик ресурстар менен камсыздоо максатында 2013-жылдан баштап Кыргыз Республикасынын Өкмөтү “Айыл чарбасын каржылоо” долбоорунун циклин ишке ашырып жатат.
Пикир
Оставить комментарий