Бишкек, 24.02.20. /Кабар/. Бүгүн, 24-февраль күнү КР тышкы иштер министри Чыңгыз Айдарбеков Грузиянын Кыргыз Республикасындагы (резиденциясы Нур-Султан шаарында жайгашкан) элчиси Зураб Абашидзе менен жолугушту. Бул тууралуу Тышкы иштер министрлигинен билдиришти.
Жолугушууда тараптар учурдагы эки тараптуу кызматташтык жана аны мындан ары өнүктүрүүнүн келечектерин талкуулашкан.
"Соода-экономикалык жана маданий-гуманитардык кызматташууларды активдештирүү макулдашылды. Тараптар 2020-жылга пландалган биргелешкен иш-чараларды өткөрүү, анын ичинде Грузиянын тышкы иштер министри Д. Залкалианинин Кыргыз Республикасына расмий сапарын уюштуруу маселесин талкуулашты", - деп билдиришти министрликтен.
Ошондой эле тараптар туризм тууралуу сөз кылып, кыргыз тарап бул багытта Грузиянын тажрыйбасын үйрөнүүгө, туризм чөйрөсүндөгү грузин компанияларын Кыргыз Республикасынын рыногуна тартууга кызыкдар экенин билдирген.
Пикир
Оставить комментарий