Бишкек, 29.10.18. /Кабар/. Өзгөчө кырдаалдар министрлигинин (ӨКМ) маалыматы боюнча Кыргызстанда 31-октябрдан 2-ноябрга чейин жаан карга айланып, жолдорго муз тоңуп, тайгак болот.
Тоолуу райондордо аба ырайынын кескин өзгөрүшүнө байланыштуу Бишкек-Ош унаа жолундагы “Сосновка” посту убактылуу жабылышы мүмкүн деп билдирет, - ИИМдин Кайгуул кызматы.
“Коңшу облустарга сапар тарткан айдоочулар Төө-Ашуу ашуусунда сак болгула, унаалар ортосундагы аралыкты жана ылдамдыкты сактагыла. Жайкы дөңгөлөктөрдү кышкыга алмаштырганды унутпагыла”, - деп айтылат маалыматта.
Пикир
Оставить комментарий