Бишкек, 01.12.22. /Кабар/. Аба ырайына байланыштуу Сосновка пунктунда жүк ташуучу унаалар менен дөңгөлөктөрү кышкы мезгилге алмаштырылбаган унаалардын жүрүү кыймылына чектөөлөр киргизилди. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Учурда Бишкек-Ош унаа жолдорунда кардын калың жаап жаткандыгына байланыштуу Төө-Ашуунун 127-128-чакырымдарында жол тыгындары орун алууда. Ага байланыштуу Сосновка , Чычкан жайларында жана Ала-Бел ашуусунда жүк ташуучу унаалардын жүрүү кыймылына убактылуу чектөөлөр киргизилди.
Кызматкерлер жолдордуу атайын техникалык каражаттар менен сүрүп тазалоо жана карды эритүүчү туз өңдүү инерттик каражаттарды себүү иштерин жүргүзүүдө.
Пикир
Оставить комментарий