Бишкек, 29.12.22. /Кабар/. Өтүп бара жаткан жылдын эң маанилүү жетишкендиги катары Кумтөр кенинин Кыргызстандын элине кайтарылышы саналат. Мындан ары «Кумтөр» Кыргыз Республикасынын элине таандык деп сыймыктануу менен айта алабыз, анткени бул экономикалык гана жетишкендик эмес, өлкөнүн жаңы тарыхын эки доорго бөлгөн окуя. Бул туурасында министрлер кабинетинин төрагасы – президенттин администрациясынын Жетекчиси Акылбек Жапаров 2022-жылдагы мамлекеттик органдардын ишинин негизги жыйынтыктары каралып жаткан министрлер кабинетинин кеңешмесинин жүрүшүндө билдирди.
«11 жылда (2010-2021-жылдары) өлкөгө төлөнгөн дивиденддердин жалпы суммасы 5,3 млрд сомду түздү. 2022-жылы 10 айда эле «Кумтөр» кенинен 26,5 млрд сом чогултулган”, - деп белгиледи Акылбек Жапаров жана 2018-жылы тоо-кен тармагынан – 11 млрд сом, 2019-жылы – 13 млрд сом, үстүбүздөгү жылы 48 млрд сом каражат түшкөндүгүн, бул 3 эсеге көп экендигин кошумчалады.
Пикир
Оставить комментарий