Бишкек, 08.06.21. /Кабар/. Кыргызстандын башкы прокурору Курманкул Зулушев журналисттерге жаңы кодекстер (Кылмыш-процессуалдык, Кылмыш, Кылмыш-аткаруу жана мыйзам бузуулар тууралуу) качан күчүнө кирерин айтты.
Ал жаңы кодекстер ушул жумада Жогорку Кеңештин кароосуна жөнөтүлөрүн белгиледи.
“Белгилүү болгондой, ал жакта 3 окуу бар, эгер жаңы кодекстер долбоору 3 окууда тең кабыл алынса – бул 1 же 1,5 айды талап кылат, анда биз жаңы кодекстерди 1-сентябрдан тартып ишке киргизүүнү пландап жатабыз. Ага жетишпесек, анда 2022-жылы 1-январдан тартып иштейт”,-деди ал.
Ошондой эле, Зулушев жаңы кодекстерди кабыл алуу 1-январга чейин жылып кетиши мүмкүн экенин айтты, анткени бардык укуктук статистика электрондук маалымат базасына өткөрүлөт, бул жаңы кодекстердин күчүнө киришине түздөн-түз таасир этет.
“Азыр програмисттерибиз мунун үстүнөн күнү-түнү иштеп жатышат. Эгер алар жетишсе 1-сентябрдан баштап жаңы кодекстер күчүнө кирет”,-деди башкы прокурор.
Пикир
Оставить комментарий