Бишкек, 31.10.18 /Кабар/. КР Билим берүү жана илим министрлиги тарабынан иштелип чыккан iBilim мультимедиялык комплексин мектептерде колдоно башташты. Бул тууралуу ведомствонун басма сөз кызматы кабарлады.
Маалыматка ылайык, материалдар кыргыз жана орус тилдеринде on-line жана off-line версияда кийинки сабактар боюнча берилген:
- Англис тили;
- Математика;
- Сүрөт;
- Музыка;
- Табият таануу;
- Кыргыз тили;
- Орус тили.
Биринчи этапта аталган ресурс 60 инновациялык мектепке сунушталса, азыркы учурда баардык мугалимдер, балдар жана алардын ата-энелери тарабынан колдонууга мүмкүн болуп калды.
Аталган комплекс мугалимдерге балдарга сабак берүүдө чыгармачылык мамиле жасоого жана аларды кызыктуу жана натыйжалуу кылууга шарт түзөт. Окучуларга сабакты жакшы түшүнүүгө жардам берет.
Пикир
Оставить комментарий