Бишкек, 09.09.20. /Кабар/. Баткен облусунда чек арачылар аткезчилик жүктү алып өтүү аракетине бөгөт койду. Бул тууралуу Мамлекеттик чек ара кызматынын коомчулук жана жалпыга маалымдоо каражаттары менен байланыш түзүү бөлүмү билдирет.
Маалыматка ылайык, 2020-жылдын 9-сентябрында Айдаркен чек ара отрядынын чек арачылары аткезчилик жүктү алып өтүү аракетине бөгөт койгон.
“Баткен облусунун Кадамжай районундагы Лачын жерлигинде чек арачылар кызматын өтөп жаткан учурда Кыргызстандын 1995-жылы туулган М.Н.у., аттуу жаранына таандык болгон Hyundai-Porter үлгүсүндөгү автоунаасын кармашкан. Ал өткөрүү жайынан сырткары жерден Өзбекстандын аймагына 22 даана телевизоду мыйзамсыз алып өтүүгө аракет кылган”, - деп айтылат маалыматта.
Кармалган жаранда жүккө тиешелүү уруксат кагаздары болгон эмес.
Кармалган жүктүн жалпы суммасы 250 000 сомду түздү.
Тиешелүү иш-кагаздары толтурулгандан соң, кармалган жаран жана жүк Мамлекеттик бажы кызматынын аймактык бөлүмүнүн кызматкерлерине мындан аркы териштирүү иштерин жүргүзүү үчүн өткөрүлүп берилди.
Пикир
Оставить комментарий