Бишкек, 27.07.21. /Кабар/. Баткен райондук ички иштер башкармалыгынын жашы жете электер менен иштөө инспекциясынын кызматкерлери тарабынан "Өспүрүм – эмгек" аталышындагы рейд өткөрүлдү. Бул тууралуу облустук милициянын басма сөз кызматы билдирет.
Маалыматка ылайык, рейддин алкагында Кара-Булак, Бужум айылдарындагы соода жайларында, курулуш тармагында эмгектин оор түрлөрүнө тартылган өспүрүмдөрдү аныктоо иштери жүргүзүлдү.
Рейддин жүрүшүндө жашы жете элек 5 өспүрүм эмгекке тартылганы аныкталып, анын ичинен 3 ата-энеге эскертүү актылары берилди. Ал эми 10 ата-энеге түшүндүрүү иштери жүргүзүлүп, өспүрүмдөрдү оор жумуштарга иштетпөө керектиги эскертилди.
Баткен РИИБи тарабынан өспүрүмдөрдөн оор жумуштарга тартылуусуна бөгөт коюу жана кылмыштуулуктун алдын алуу багытында тынымсыз профилактикалык иштер жүргүзүлүп келүүдө.
Пикир
Оставить комментарий