Бишкекте Индиянын бий жана музыка фестивалы өтүүдө (сүрөт)

Бишкек, 28.04.18. /Кабар/. Бишкекте Индиянын музыкасы жана бий фестивалы өтүп жатат.

Индиянын КРдеги элчилигинен кабарлашкандай, Индия менен Кыргызстан элдеринин ортосундагы мамиленин бекемделишинде маданияттын салымы абдан чоң. Индия бийи жана ырлары көптөгөн КМШ өлкөлөрүндө белгилүү, анын ичинде Кыргызстан да бар.

Достукту чагылдыруу максатында Индиянын Кыргызстандагы элчилиги Улуттук “Сейтек” балдар жана жаштар борбору менен биргеликте Индиянын бий жана музыка фестивалын тартуулайт.

Фестивалда Кыргызстандын таланттуу чыгармачыл топтору жана Индия маданият өкүлдөрү катышат.