Бишкек, 23.04.21. /Кабар/. Бишкекте жасалма номер менен жүргөн Honda Fit унаасы кармалды. Бул тууралуу Милициянын кайгуул кызматынын басма сөз кызматы билдирет.
Маалыматка ылайык, 2021-жылдын 21-апрелинде кайгуул кызматкерлери бөлүнгөн аймакта кайгуул кылып жатып, болжол менен саат 23:10дор чамасында Байтик Баатыр жана Сүйөркулов көчөлөрүнүн кесилишинен жол эрежесин бузган Honda Fit үлгүсүндөгү автоунааны токтотушкан.
Текшерүүнүн жүрүшүндө Honda Fit унаасынын 1985-жылы туулган М.А. аттуу айдоочусу унаасына жасалма номер тагып жүргөндүгү аныкталган.
Бул факты боюнча автоунаа убактылуу айып короо жайына токтотулуп, ал эми айдоочусу Октябрь райондук ИИБнын Тергөө кызматына өткөрүлүп берилди.
Пикир
Оставить комментарий