Бишкек, 26.01.18. /Айжамал Дуйшоева - Кабар/. Бишкекте Дастан Мадалбековдун “Калифорния” аталыштагы кыска метраждуу тасмасы көрсөтүлөт. Бул тууралуу кыргыз киносунун сайтында маалымдалат.
Маалыматка ылайык, ачылышы 30-январда Ч.Айтматов атындагы кино үйүндө 14:00дө болот. Тасма С.Герасимов атындагы Жалпы россиялык мамлекеттик киноматография институтунун студенти Дастан Маадалбеков тарабынан тартылган.
Кирүү акысыз.
Тасма – рэпке кызыккан жаш москвалык бала тууралуу. Анын ата-энеси Кыргызстандан келген мигранттар, бирок каарман Москвада төрөлүп, чоңойгон болот. Бала Калифорнияга кетүүнү эңсейт, бирок атасы “баласын Мекенине кайтарууну” каалайт.
Пикир
Оставить комментарий