Бишкек, 19.01.20. /Кабар/. Бүгүн, 19-январда UFC 246 мелдешинде ирландиялык мушкер Конок Макгрегор америкалык Дональд Серронени техникалык нокаут менен жеңип алды.
Лас-Вегаста UFC 246 мелдешинде Макгрегор менен Серроне 77 килограмм салмакта күч сынашты.
Беттеш 40 секундга гана созулду. Макгрегор каршылашын таймаш башталганда эле уруп-соккуга алды, көп өтпөй Серроне жерге кулап утулууга аргасыз болду.
Эскерте кетсек, Макгрегор 2018-жылы россиялык Хабиб Нурмагомедовго жеңилгенден бери октагонго чыга элек. Бүгүнкү утушу менен Конор 22 жеңишти камсыздады, буга чейин 4 беттеште жеңилген. Ал эми Серроне 36 беттешти утуп, 14 жолу каршылашына утулуп калган.
Пикир
Оставить комментарий