Чүйдө сарайда өрт чыгып, 223 бука жана 30 миң түк чөп күйдү — сүрөт

Бишкек, 18.07.22. /Кабар/. Кечээ, 17-июлда Чүйдүн Аламүдүн районунун Пригородное айылында сарайдан өрт чыккан.

ӨКМдин басма сөз кызматы билдиргендей, ферманын жалпы аянты болжол менен эки миң чарчы метрди түзгөн.

Өрттү өчүрүүгө жети бөлүм, үч суу ташуучу унаа, өрт өчүрүү штабы жана ыкчам топ тартылган.

“Алардын жардамында өрт түнкү саат 2:03тө чектөөгө алынып, учурда толук өчүрүү иштери жүргүзүлүүдө. Өрттүн себеби жана келтирилген материалдык чыгым такталууда. Кырсыктын кесепетинен болжол менен 223 бука жана 30 миң түк чөп күйгөн”, - деп айтылат маалыматта.