Касымалиев 2019-жылга республикалык бюджеттин долбоорунун параметрлерин жана 2020-2021-жылдарга болжолун билдирди

Бишкек, 26.09.18 /Кабар/. Кыргыз Республикасынын Премьер-министри Мухаммедкалый Абылгазиев Кыргыз Республикасынын Өкмөтүнүн кезектеги жыйынын өткөрдү, анда Кыргыз Республикасынын финансы министри Адылбек Касымалиев Кыргыз Республикасынын 2019-жылга республикалык бюджетинин долбоору жана 2020-2021-жылдарга болжолу боюнча баяндама жасады. Бул тууралуу өкмөттүн аппаратынын маалыматтык камсыздоо бөлүмүнөн билдиришти.

Өз сөзүндө ал өлкөнүн 2019-2021-жылдарга карата негизги макроэкономикалык көрсөткүчтөрүн атады. Анын маалыматы боюнча, 2019-жылы ички дүң продуктунун өсүшү – 4,0%ды (же номиналдык көрсөткүчтө 604 млрд 707,4 млн сом), 2020-жылы ИДП өсүшү – 4,4% деңгээлди (же 667 млрд 78,8 млн сом), 2021-жылы 4,2%ды (736 млрд 239 млн сом) түзөт.

«Республикалык бюджеттин киреше өлчөмү 2019-жылы – 168 млрд 308 млн сомду, 2020-жылы – 175 млрд 881 млн сомду жана 2021-жылы 182 млрд сомду түзөт. Буга катар бюджетти пландаштырууну жакшыртуу, бюджеттик тартипти күчтөндүрүү үчүн республикалыкбюджеттин пайдасына сатуудан салык чегерүүнүн ченемдерин 2019-жылы – 50%га, 2020-жылы – 75%га, 2021-жылы – 100%га жогорулатуу сыяктуу сунуштар каралган.

Мындан тышкары, 2019-жылы жергиликтүү бюджет пайдасына сатуудан салык чегерүүнүнченемдерин – 50% дан 70%га, 2020-жылдан тарта – 85%га, 2021-жылдан тарта – 100%га жогорулатуу сунушталууда», - деди министр.

Ал белгилегендей, жергиликтүү өз алдынча башкаруу органдарын өз кирешелеринжогорулатуусуна шыктандыруу максатында келерки жылдын долбоорунда 100 млн сом суммасындагы кошумча каражаттар каралууда, ал Кыргыз Республикасынын Өкмөтүтарабынан бекитилген тартипке ылайык бөлүштүрүлөт.

«Аталган каражаттарды берүүнүн негизги шарты катары салыктын айрым түрү (жер салыгы,мүлккө салык, жер ижарасы жана Айыл чарба жерлерин бөлүштүрүү фондунун ижарасы) боюнча пландын ашыра аткарылышы саналат. Республикалык бюджет тууралуу мыйзамдын сунушталып жаткан редакциясында жергиликтүү өз алдынча башкаруу органдарын максаттуу трансферттер аркылуу стимулдаштыруу жөнүндө ченем киргизилген, ал айыл өкмөтүнө ганабагытталат. Келечекте аталган ченем айыл өкмөтүнүн киреше булагын кескин жакшыртуугамүмкүндүк берет», – деп белгиледи ал.

Мындан тышкары, финансы министри Адылбек Касымалиев маалымдагандай, алдыда «Коопсуз шаар» долбоорун ишке ашырууну эске алганда, бюджеттин киреше жана чыгаша бөлүгүнө түзөтүүлөр киргизилет».