Бишкек, 04.05.24. /Кабар/. Кара-Кулжада дарыяга түшүп кеткен 3 жашар баланын сөөгү табылды. Бул тууралуу Өзгөчө кырдаалдар министрлигинен билдиришти.
Алдын ала маалымат боюнча, Ош облусунун Кара-Кулжа районунун Ылай-Талаа айылындагы Кызыл-Суу дарыясына 3 жашар бала түшүп кеткен.
Жерине издөө иштерин жүргүзүүгө 4 куткаруучу тартылган.
Издөө иштеринин натыйжасында саат 11:18 чамасында куткаруучулар тарабынан 2021-жылы туулган Т.Э. аттуу баланын сөөгү Кызыл-Суу дарыясынан табылып, туугандарына өткөрүп берилди.
Пикир
Оставить комментарий