"Кыргыз эл, алга!" – биримдикти жана ынтымакты бекемдөөгө арналган чыгарма жарык көрдү

Бишкек, 30.04.23./Кабар/. Элдин биримдигин жана ынтымагын бекемдөөгө арналган "Кыргыз эл, алга!" аталыштагы жаңы чыгарма жарык көрдү.

Чыгарманын сөзү жана обону Мыктыбек Аширбай уулуна таандык. Аткаруучулар ырчылар Гүлзада Рыскулова, Нуржигит Асанов, Аксай Мукамбет уулу жана Сайкал Садыбакасова.

Автор чыгарма ошондой эле мекенчилдик сезимди козгоого арналгандыгын баса белгиледи .

Чыгарма президент Садыр Жапаровдун колдоосу менен, министрлер кабинетинин төрагасынын орун басары Эдил Байсаловдун демилгеси аркылуу жарык көрдү.