Бишкек, 6-март /Кабар/. Кыргызстандык гимнаст Роман Пак Казакстандын гимнастика федерациясынын президентинин V ачык кубогунда 2 күмүш медаль утуп алды. Бул тууралуу Жаштар иштери, дене тарбия жана спорт мамлекеттик агенттигинин басма сөз кызматы билдирди.
Маалыматка ылайык, мелдеш 28-февралдан 3-мартка чейин Алмата шаарында өттү, ага 150гө жакын спортчу катышты.
Кыргызстандан мелдешке Роман Пак катышкан.
Финалда кыргызстандык спортчу 2 күмүш медаль жеңип алды.
Мелдеш Таиландда өтө турган спорттук гимнастика боюнча Азия чемпионатына Кыргызстан менен Казакстандан гимнасттарды тандоо максатында өткөрүлгөн.
Пикир
Оставить комментарий