Бишкек, 26.06.22. /Кабар/. Кыргызстандык окуучу Казакстанда өткөн математика боюнча олимпиадада 1-орунду алды. Бул туралуу Билим берүү жана илим министрлигинин басма соз кызматы билдирди.
Маалыматка ылайык, 12-14-июнунда Алматы шаарында Шалтай Смагулов атындагы Республикалык олимпиаданын жыйынтыктоочу этабы өттү.
Финалдык этапка катышуу үчүн Кыргызстандан 5 катышуучу чакырылган. Кыргызстандык команданын курамында:
1. Фёдор Корнияш, Е.Б. Якир атындагы № 61 автордук физика-математика мектеп-лицейинин 7-классынын окуучусу;
2. Мерида Даниярова, Бишкек шаарындагы Intellect School жалпы билим берүүчү жеке мектебинин 6-классынын окуучусу;
3. Амантур Токтоназаров, Ош шаарындагы П.Купуев атындагы билим берүү академиясынын 6-классынын окуучусу;
4. Саян Сарыкбаев, Ош шаарындагы П.Купуев атындагы билим берүү академиясынын 6-классынын окуучусу;
5. Бектур Айдаров, Ош шаарындагы П.Купуев атындагы билим берүү академиясынын 6-классынын окуучусу;
"Окуучуларды олимпиадага математика мугалими Мамат Ишматов даярдады. Олимпиаданын жыйынтыгы боюнча Фёдор Корнияш биринчи орунга ээ болду", - деп айтылат маалыматта.
Пикир
Оставить комментарий