Бишкек. 26.04.19 /Кабар/. Россиялык «Лукойл» компаниясы учурда иштеп жаткан долбоорлорду өнүктүрүү үчүн дагы 2 миллиард доллар инвестиция салат. Бул тууралуу «Лукойлдун» президенти Вагит Алекперов 25-апрелде компаниянын директорлор кеңешинин Бухарада өткөн көчмө жыйынында билдирди.
Инвестиция Гиссар, Кандым мунайгаз кендериндеги чалгындоо иштерине жумшалат.
Маалыматтарга караганда, 15 жыл аралыгында «Лукойл» Өзбекстанга 8 миллиард доллар инвестиция бөлгөн.
Өзбекстан «Лукойл» компаниясына газ жеткирүү үчүн 2018-жылы 600 миллион доллар карыз болуп калганы кабарланган.
Компания 2020-жылга карата Өзбекстанда 18 миллиард куб метр газ казып алууну пландоодо.
Пикир
Оставить комментарий