Бишкек, 10.12.18. /Кабар/. Мурунку вице-премьер-министр Дүйшенбек Зилалиев өнөр жай, энергетика жана жер казынасын пайдалануу Комитетинин жетекчиси болуп кызматтанып жаткан кезде декларацияга бир гана өзүнүн жеке айлык маянасын көрсөтүп келген.
2015-жылы ал 553 миң 341 сом, 2016-жылы 583 миң 856 сом тапкан. Декларацияда унаа, кыймылсыз мүлк жана компаниялардагы үлүштөрү тууралуу маалымат жок.
Анын жакын тууганы 2015-жылы 119 миң сом, 2016-жылы 110 миң сом тапкан.
Ал тууганына эки батир жана жер там үйдүн 50%ы жазылган. Ошондой эле 2004-жылы чыккан “Хонда” унаасы жазылган.
Эскерте кетсек, 7-декабрь күнү Дуйшенбек Зилалиев мыйзамсыз баюуга шектүү деп кармалган. Ал УКМКнын убактылуу кармоочу жайына киргизилген.
Пикир
Оставить комментарий