БИШКЕК, 08.08.2017. /Кабар/. Россияга карата батыштык санкциялар Казакстанга таасир бериши мүмкүн. Муну эске алуу керектигин Казакстандын президенти Нурсултан Назарбаев Астанада премьер-министр Бакытжан Сагинтаев менен жолугушууда билдиргенин akorda.kz кабарлады.
“Мен өкмөт абдан катуу иштеп жатат деп эсептейм. Бардыгыңарга кайрылам: жыл аягына чейин уюшкандыкта игтеп, быйыл жакшы көрсөткүчтөргө жетишүүбүз зарыл. Россияга карата батыштык санкциялардын таасири ти йиши мүмкүн. Энергетикага, сырьелук продукцияга баанын өзгөрүү тобокели бар. Муну эске алуу керек”, - деди Назарбаев.
Россияга экономикалык санкциялардын жаңы пакети жана анын компаниялары АКШ президенти Дональд Трамп тарабынан 2-августта кол коюлган. Ушул эле күнү доллардын курсу Казакстандын алмаштыруу жайларында 1 доллар үчүн 343 теңгеге жогорулаганын “Азаттык” радиосунун казак кызматы жазат.
Пикир
Оставить комментарий