бишкек, 04.03.21. /Кабар/. Ош шаарында “Жибек жолу 2021” көргөзмө-жарманкеси өтүп жатат. Бул тууралуу Ош шаардык мэриясынын басма сөз кызматынан билдиришти.
Мэриянын маалыматына таянсак, Ош шаарындагы С. Ибраимов атындагы улуттук драма театрында Ферагана өрөөнүнүн Агро-Экспо “Жибек жолу 2021” Эл аралык он жетинчи көргөзмө-жарманкеси өтүп жатат.
Жалпысынан 20га жакын эл аралык компаниялар айыл чарба багытына керектүү жана ар кандай продукцияларын жарманкеге алып чыгышкан.
Белгилей кетсек, көргөзмө-жарманке эртең, 5-мартта жыйынтыкталат. Иш-чара “Жер Азыгы” Кыргызстандын агроишкерлеринин ассоциациясы тарабынан уюштурулууда.
Пикир
Оставить комментарий