Бишкек, 26.07.18. /Кабар/. Ош шаарында 30-июль - Бүткүл дүйнөлүк адам сатууга каршы күрөшүү күнүнө карата “Дельфин” бассейнинде сууда сүзүү боюнча мелдеш өтөт. Бул тууралуу мэриянын басма сөз кызматы билдирет.
Ага Ош шаарында жайгашкан бардык каалоочу мекеме-ишканалардын, күч курамдардын, билим берүү, медицина жана коомдук уюмдардын кызматкерлери, шаардагы жогорку жана орто окуу жайларынын студенттери жана шаар тургундары катыша алат.
Мелдеш эркектер жана аялдар арасында жаш курагына жараша төмөнкү 3 тайпага бөлүнүп өткөрүлөт:
1-тайпа - 25 жашка чейин;
2-тайпа - 35 жашка чейин;
3-тайпа - 40 жашка чейин.
Жеңүүчүлөргө баалуу белектер жана дипломдор берилет.
Иш-чара 30-июлда саат 14:00дө “Дельфин” бассейнинде өтөт.
Катышууну каалагандардын табыштамалары (Заявки) 29- июлга чейин Ош шаардык дене-тарбия жана спорт комитетинде кабыл алынат.
Дареги: Ош шаары, Супаналиев көчөсү 1.
Байланыш телефондор: (03222) 2-50-34, 2-76-91.
Пикир
Оставить комментарий