Бишкек, 20.04.18. /Кабар/. Алматы шаарында (Казакстан) “Саякбай манасчы” Эл аралык коомдук фонду тарабынан уюштурулуп “Саякбай” тасмасы көрсөтүлдү. Иш-чарага КРнын Алматыдагы Башкы консулдугу колдоо көрсөттү. Бул тууралуу КР ТИМ басма сөз кызматы билдирди.
Иш-чарага Казакстан Республикасынын Тышкы иштер министрлигинин, Алматы шаарынын акимиатынын өкүлдөрү, маданият ишмерлери жана кыргыз диаспорасынын өкүлдөрү катышты.
Тасма Алматыда экинчи ирет көрсөтүлүүдө. 2018-жылы 10-февралда алгачкы жолу Башкы консулдуктун колдоосу менен режиссер Э.Абдыжапаровдун, Кыргызстандын Кинематографисттер союзунуну төрагасы Т.Кулмендеевдин, Союздун мүчөсү Б.Шердин, ошондой эле Казакстандын чыгармачыл интеллигенциясынын катышуусунда өткөн.
Ошондой эле Башкы консулдук тарабынан 3-чү Дүйнөлүк көчмөндөр оюндарын чагылдыруу боюнча маалымдоо иштери жүргүзүлүп, Казакстандын ТИМ жана Алматы шаарынын акимиатынын өкүлдөрүнө буклеттер таратылды.
Тасма көрүүчүлөрдө жылуу пикирлерди калтырды.
Пикир
Оставить комментарий