Бишкек, 18.04.21 /Кабар/. Сузакта сууга чөгүп кеткен кыздын сөөгү табылды. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, Жалал-Абад облусунун Сузак районундагы Жалгыз-Жаңгак айылында Көк-Арт дарыясына 13 жаштагы кыз чөгүп кеткен.
Жеринде издөө иштерин жүргүзүү үчүн жалпы 14 куткаруучу тартылган. Бирок куткаруучулар жеткенге чейин жергиликтүү тургундар тарабынан кыздын сөөгү табылып, туугандарына өткөрүлүп берилген.
Пикир
Оставить комментарий