• 84.79
  • 95.75
  • 1.15

Талас облусундагы бийлик бутактарындагы коррупциялык схема аныкталды. Зыяндын суммасы 15 млн сом

Укук тартиби 0

Бишкек, 29.09.21. /Кабар/. Талас облусундагы бийлик бутактарындагы коррупциялык схема аныкталды, - деп билдирет УКМКнын басма сөз кызматы.

Маалыматка ылайык, УКМК КР Кылмыш-жаза кодексинин 320-беренеси (Кызмат абалынан кыянаттык менен пайдалануу) фактысы боюнча кылмыштардын жанажоруктардын бирдиктүү реестрине катталган сотко чейинки өндүрүштун алкагында, Талас облусундагы бийлик бутактарынын коррупциялык схема аныкталды.

Талас облусундагы ыйгарым укуктуу өкүлчүлүгүнүн айрым кызмат адамдары кызмат абалынан кыянаттык менен пайдаланып, жеке кызыкчылыктары үчүн КР Талас облусундагы ыйгарым укуктуу өкүлчүлүгүнүн имараттарда жайгашкан кеңсе жайларды коммерциялык жанакоомдук уюмдарга ижарага берүүдөн алынган каражаттарды мыйзамсыз өздөрүнө ыйгарып алгандыгы аныкталды.

Ошондой эле ыйгарым укуктуу өкүлдөр үчүн арналган ведомстволук үйдө коммуналдык кызматтарга жана аталган үйдү коргоого мамлекеттик бюджеттен мыйзамсыз акча төлөнүп турган.

Жогорудагы материалдардын негизинде аныкталган зыяндын жалпы суммасы 15 миллион сомду түзгөн.

Азыркы учурда бул ишке тиешеси бар адамдарды кылмыш жоопкерчилигине тартуу боюнча ыкчам-тергөө иш-чаралар жүргүзүлүүдө.

Пикир

Оставить комментарий