Бишкек, 07.07.21. /Кабар/. Таласта жол кырсыгы катталып, бир адам жабыркады. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, Тала облусунун Бакай-Ата районунда Суусамыр-Талас-Тараз унаа жолунун 80-чакырымында (Миң-Булак айылы) Volvo үлгүсүндөгү оор жүк ташуучу унаанын айдоочусу рулга ээ боло албай унаа жолдон чыгып, арыкка түшүп кеткен.
Кырсыктын кесепетинен унаанын айдоочусу 1986-жылы туулган М.Э. аттуу эркек жабыркаган.
Куткаруучулар жеткенге чейин тез жардам кызматкерлери жабыркаган жаранды ооруканага алып кетишкен.
Пикир
Оставить комментарий