Бишкек, 01.04.21. /Кабар/. Кыргыз-казак мамлекеттик чек арасындагы “Чалдыбар” көзөмөл-өткөрүү бекетинде абал туруктуу. Бул тууралуу Улуттук коопсуздук боюнча мамлекеттик комитетинин (УКМК) чек ара кызматы билдирди.
Маалыматка ылайык, кыргыз-казак чек арасындагы бекеттер кадимки тартипте иштөөдө. Бүгүн саат 17:30га карата “Чалдыбар” бекетинде 30га чукул жүк ташуучу унаа токтоп турат.
“Бүгүн, 1-апрелде чек арадан унаалардын өтүүсү басаңдаган. Анын себептерин Кыргызстан жана Казакстандын чек ара өкүлдөрү иликтеп жатат”, - деп айтылат маалыматта.
УКМКнын чек ара кызматы жүк ташуучулар үчүн өткөрүү бекеттеринен өтүүдө кыргыз тараптан эч кандай чектөө киргизилбегендигин белгилейт.
Пикир
Оставить комментарий