Бишкек, 04.01.21. /Кабар/. Пандемия башталгандан бери Ташкенттен Душанбеге алгачкы аба каттамы 5-январда уюштурулат. Бул тууралуу “Өзбекстан аба жолдору” компаниясы билдирди. Азырынча чартердик аба каттамдарын гана ишке ашырууга уруксат берилди.
Жүргүнчүлөр чек арадан өтөрдөн мурун коронавируска карата эксперсс-тест тапшыруусу керек болот. Бул эреже ПЧР-тесттен өткөндөргө да тиешелүү.
Эки өлкө ортосунда ырааттуу аба байланышы качан жанданары азырынча белгисиз.
Ташкент менен Душанбенин ортосунда аба байланыштары 2017-жылы калыбына келип, бирок коронавирус пандемиясына байланыштуу 2020-жылы 16-мартта токтотулган.
Пикир
Оставить комментарий