Бишкек, 01.02.22. /Кабар/. Бүгүн, 1-февралда Жалал-Абад шаарынын аймагында кароосуз жүргөн 6 баш жылкы кармалды. Бул тууралуу Жалал-Абад шаардык мэриясынан билдиришти.
Мэриядан белгилешкендей, жылкылар Спутник кичирайонундагы муниципалдык унаа базардын четиндеги атайын мал-жандыктар кармалуучу жайга киргизилди.
"Мал-жандыгын кароосуз калтырган жарандарга КР Укук бузуулар жөнүндөгү кодексинин 124-беренесинин негизинде жеке жактарга 5,5 миң сом, юридикалык жактарга 17 миң сом айыппул салынат", - деп айтылат билдирүүдө.
Жалал-Абад мэриясы жарандарды эгер жашаган аймакта кароосуз жүргөн мал-жандыктар байкалса, төмөндөгү номерлерге кабарлап коюуну өтүнөт: 0778-62-02-05
Пикир
Оставить комментарий