Бишкек, 27.09.23. /Кабар/. Жалал-Абад шаарынын Осмонов көчөсүн реконструкциялоо иштери кызуу жүрүүдө.
Муниципалитеттен билдиришкендей, учурда аталган көчөнүн эки тарабына темир-бетон арык куурларын жаткыруу, тротуар куруу, асфальт төшөөгө даярдоо сыяктуу жумуштар жасалууда.
Осмонов көчөсүнүн узундугу 2,5 чакырымды, кеңдиги 14 метрди түзөт.
Белгиленгендей, жолдун курулушу Жалал-Абад шаарын өнүктүрүүгө республикалык бюджеттен бөлүнгөн 2 млрд сомдун эсебинен каржыланууда.
Пикир
Оставить комментарий