Бишкек, 14.07.22. /Кабар/. Жыл башынан бери Бишкек шаарынын аймагында 1 миң 340 жол кырсыгы катталган. Бул тууралуу “Кабар” агенттигинде өткөн маалымат жыйынында Милициянын кайгуул кызматы башкармалыгынын башчысы Алмаз Исаков билдирди.
Анын айтымында, жол кырсыктарынан жалпы 1 миң 726 адам жабыркап, 21 адам каза болгон.
“Жол кырсыгынын саны өткөн жылга салыштырмалуу 3 пайызга, жабыркагандар 5 пайызга көбөйүп, ал эми каза болгондордун саны 25 пайызга азайган”, - деди ал.
Ал белгилегендей, жол кырсыгынын дээрлик 40 пайызы жөө адамдардын туура эмес жерден өткөнүнөн улам катталган.
"Жыл башынан бери борбордо жөө жүргүнчүлөрдү сүзгөн 723 учур катталган", - деди ал.
Пикир
Оставить комментарий