Бишкек, 29.03.23. /Кабар/. Кыргызстандын Сауд Аравия Падышалыгындагы элчиси Улукбек Марипов Аль-Касым провинциясынын губернатору ханзаада Файсал бин Мишаль Аль-Сауд менен жолугушту. Бул тууралуу Тышкы иштер министрлигинен билдиришти.
Маалыматка ылайык, жолугушууда тараптар соода-экономикалык жана маданий-гуманитардык кызматташтыкты өнүктүрүү, туризм жана ишкердик байланыштарды күчөтүү, өз ара жарманкелерди жана көргөзмөлөрдү өткөрүү маселелерин талкуулашты.
Ошондой эле тараптар Кыргызстандын Ош облусу менен Саул Аравиясынын Аль-Касым провинциясынын ортосунда боордоштук байланыштарды түзүүнүн маанилүүлүгүн баса белгилеп, макулдашуунун долбоорун илгерилетүү боюнча тыгыз ишти улантууну макулдашты.
Соңунда элчи У.Марипов Ф.М.Аль-Саудду өзүнө ыңгайлуу учурда Кыргызстанга келип кетүүгө чакырды.
Маалымат үчүн: Аль-Касым провинциясы Сауд Аравиясынын 13 провинциясынын бири болуп, өлкөнүн негизги айыл чарба аймагы болуп саналат. Ал курма, буудай, жүзүм, лимон, апельсин, грейпфрут, анар жана түрдүү жашылчаларды өндүрүү менен белгилүү.
Пикир
Оставить комментарий