Бишкек, 11.04.19. /Кабар/. Премьер-министр Мухаммедкалый Абылгазиев 12 жашар Данилди издөөгө бардык күч-аракеттерди жумшоону милдеттендирди.
Өкмөт башчы Кыргыз Республикасынын ички иштер министри Кашкар Жунушалиевге баланы издөөнү көзөмөлгө алуу жана бул үчүн бардык күч-аракеттерди мобилдештирүү тапшырмасын берди.
Премьер-министр Мухаммедкалый Абылгазиев белгилегендей, баланы мүмкүн болушунча тез арада аман-эсен табууга болгон күч-аракетти жумшоо керек.
Белгилей кетсек, Кантта 12 жаштагы Данил Браилкинди бүгүн эртең менен белгисиз бирөөлөр унаага салып уурдап кетишкен.
Пикир
Оставить комментарий