Бишкек, 13.02.20. /Кабар/. Күн мурун, 12-февралда Чүй облусунун Аламүдүн районунда эмерек жасоочу цехтен өрт чыкты. Бул тууралуу Өзгөчө кырдаалдар министрлигинин басма сөз кызматы билдирди.
Тилсиз жоо 12-февраль күнү саат 18:13 чамасында Аламүдүн районунун Алма-Ата көчөсүндө жайгашкан эмерек жасоочу цехтен чыккан.
Өрттүн кесепетинен цехтин болжол менен 800 чарчы метр аянты күйгөн. Каза болгон жана жабыркаган адамдар жок.
Тартылган күчтөрдүн жардамында өрт саат 19:15те чектөөгө алынып, саат 00:10до толук өчүрүлгөн. Өрттүн келип чыгуу себеби жана келтирилген материалдык чыгымдар такталууда.
Пикир
Оставить комментарий