Бишкек, 14-июнь /Кабар/. Азия кубогу-2019 тандап алуу турунун алкагында Кыргызстандын курама командасы Индия командасына 0:1 эсебинде уттурду. Оюн 13-июнда Бангалор шаарындагы “Sree Kanteerava” стадионунда өттү.
Индия курама командасынын чабуулчусу 69-мүнөттө бир гол киргизүүгө үлгүрдү. Оюндун аягында кыргыз командасы кысым көрсөткөнүнө карабастан, жыйынтык ошол бойдон калды.
Экинчи оюнда Мьянма курамынын А группасы Макаону 4:0 гө жеңди.
Эскерте кетсек,кыргыз курама командасы 29-марттагы биринчи оюнда Макао курамын 1:0 эсебинде жеңген. Ошондой эле Индия Мьянманы 1:0 эсебинде утуп минималдуу жеңишке жеткен.
Кыргызстан өздүк курамында 3 упай менен 3-орунда турат.1-орунда 6 упай менен Индия командасы, 2- орунда Мьянма командасы 3 упай менен Кыргызстандан алдыга озуп чыкты.
Азия Кубогу -2019 тандап алуу турундагы оюндар 2017-жылдын 28-мартынан 2018-жылдын 27-мартына чейин созулат. Ар бир курамдан тандалып алынган эки мыкты команда Бириккен Араб Эмиратында өтүүчү финалдык Кубок оюнунда ойноого мүмкүнчүлүк алат.
Финалга жолдомо алган 12 команда: Австралия , Кытай, Ирак, Иран, Япония,Түштүк Корея, Катар, Сирия, Сауд Арабия, Таиланд, Өзбекстан жана Бириккен Араб Эмираттарынын командалары.
Пикир
Оставить комментарий