Бүгүн Бишкектеги Панфилов сейил багында арзандатуулар болот

Бишкек, 01.06.23. /Кабар/. 1-июнь - Балдарды коргоонун эл аралык күнүнө карата "Панфилов" сейил багында арзандатуулар болот.

Бишкек мэриясынан билдиришкендей, бүгүн саат 11.00дөн 18:00гө чейин аталган сейил бакта “Колесо обозрения”, Жаныбарлар полиси, 12D кинотеатры, “Айлануучу мунара” аттракционуна 80 сом, ал эми калган бардык аттракциондорго - 50 сом болот.

Белгилей кетсек, саат 18:00дөн кийин аттракциондорго балдардын билети 80 сом, чоңдорго 100 сом болот. Ал эми “Колесо обозрения” чоңдорго –100, балдарга – 150 сом, Жаныбарлар полиси – балдарга - 100 сом жана чоңдорго - 150 сом , 12D кинотеатры - 100 сом, “Айлануучу мунара”– 120 сом болот.

Бишкек мэриясы жаш шаардыктарды жана борбор калаанын конокторун майрамы менен куттуктайт. Бекем ден соолук, бактылуу балалык жана жаркын келечек каалайт.