• 84.8
  • 101.16
  • 1.14

Баткен облустук ички иштер башкармалыгында жылдын мыктылары аныкталды

Аймак 0

Бишкек, 20.01.21. /Кабар/. Баткен облустук ички иштер башкармалыгында жылдын мыктылары аныкталды. Бул тууралуу ведомствонун басма сөз кызматы билдирет.

Маалыматка ылайык, 2020-жылы коомдук тартипти сактоодо, кылмыштуулук менен күрөшүүдөгү кесиптик чеберчилиги, кызматтык милдеттерине ак ниеттүүлүк менен кызмат өтөгөн кызматкерлерге, башкача айтканда өз кесибинин мыктыларына, ошондой эле жер-жерлердеги коомдук иштерге активдүү катышкан ардагерлер кеңешинин мыктылары аныкталды.

Баткен ОИИБнин “Кесиби боюнча мыкты”, “Мыкты ички иштер бөлүмү”, “Мыкты ардагерлер кеңеши” кароо-сынагынын жеңүүчүлөрүнө атайын дипломдор, сыйлоо тасмасы, вымпелдер тапшырылды.

“2020-жыл ичинде "мыкты ички иштер бөлүмү " болуп 1-орунга Кадамжай РИИБи, 1-даражадагы диплом, жана Вымпел, Баткен облустук ички иштер башкармалыгынын өткөрүлүп берүүчү "Кызыл туусу " менен сыйланды. 2-орунга Лейлек РИИБи 3-орунга Баткен РИИБи ээ болушту. Ал эми мыкты ардагерлер кеңеши деп 1-орунга Баткен облустук ички иштер башкармалыгынын ардагерлер кеңешинин төрагасы, милициянын отставкадагы майору Ниймат Арапов табылса, 2-орунга Кадамжай райондук ички иштер бөлүмүнүн ардагерлер кеңешинин төрагасы милициянын отставкадагы подполковниги Алимбек Боронов сыйланды. Ал эми 3-орунга Лейлек райондук ички иштер бөлүмүнүн ардагерлер кеңешинин төрагасы милициянын отставкадагы подполковниги Карим Саттаров ээ болду”, - деп айтылат билдирүүдө.

2020-жылда Баткен облусундагы шаар-райондук ички иштер бөлүмдөрү алгылыктуу иштерди жасашып, ийгиликтерге жетише алды. Жер-жерлерде иш алып барышкан милиция кызматкерлери профилактикалык иштерди жандандыруу максатында кылмыштуулуктун алдын алуу багытында бир топ иш-чараларды өткөрүштү.

Иш-чаранын жыйынтыгында Баткен ОИИБнин башчысы Акылбек Мамасейитов “Коомдук тартипти сактоо – биздин милдет. Ар бир үлгүлүү иштеген кызматкер биздин сыймыгыбыз” деп жалпы өздүк курамды эл менен сылык болууга жана ар бир кызматкерди өз кызматына жжопкерчиликтүү менен мамиле жасоого чакырып кетти.

Пикир

Оставить комментарий