Бишкек, 09.03.18. /Кабар/. Баткенде облусунун аймагында 5-6-март күндөрү “Каракчы” аталыштагы атайын иш-чара өткөрүлүп, анын негизинде 7 кылмыштын бети ачылган. Анын ичинен жасалган кылмыштардын экөө оор,-деп билдирет Баткен облустук ИИБнин басма сөз кызматы.
Маалыматка ылайык, ошондой эле иш-чаранын жүрүшүндө Кадамжай районунун Марказ айылынын 42 жаштагы тургуну тапанча жана ок дарыларды мыйзамсыз сактап жүргөндүгү аныкталган. Учурда аталган факты боюнча кылмыш иши козголуп, тергөө амалдары жүрүүдө.
Пикир
Оставить комментарий