Бишкек, 30.11.17 /Кабар/. Баткен облусунда мыйзамсыз иштеп жаткан 33 шахта аныкталды. Бул тууралуу Мамэкотехинспекциянын басма сөз кызматы билдирди.
Тагыраак айтканда, Инспекциянын мыйзамсыз көмүр казууну алдын-алуу, кен казууда техникалык коопсуздук талаптарын камсыздоо боюнча жүргүзгөн рейд учурунда Кызыл-Кыя шаарында 33 шахта мыйзамсыз иштегени такталган. Жеринде көмүр казуучу жайлардын ишин токтотуу талабы менен15 шахтанын башчыларына административдик айып жана 3 жаранга протокол толтурулган. Жеринде чогултулган материалдар тиешелүү чара көрүү үчүн каржы полициясына жөнөтүлдү.
Ошондой эле, Кызыл-Кыя шаардык мэриясына жана Үч-Коргон айыл өкмөтүнө өзүлөрүнүн аймагындагы шахталардын ишинин мыйзамдуулугун, жарандардын коопсуздугун камсыздоо, кырсыктарды алдын алуу максатында көзөмөлдү күчөтүп, тийиштүү чараларды көрүү боюнча эскертүү баракчалары таратылды.
Пикир
Оставить комментарий