Бишкек, 28.03.18. /Кабар/. Бишкекте бир адам аялдын акчасы менен сөйкөсүн тартып алган. Учурда ал кармалып, убактылуу кармоо жайына киргизилди,-деп билдирет Бишкек ШИИБнин басма сөз кызматы.
Маалыматка ылайык, 20-мартта болжол менен саат 10:00 чамасында көчөлөрдүн биринде белгисиз эркек киши күч колдонуп, акча жана алтын сөйкөсүн уурдап кеткендигин айтып бир аял арыз менен милицияга кайрылган. Жабырлануучуга 10 миң сом өлчөмүндө зыян келтирилген.
Жүргүзүлгөн ыкчам-издөө иш-аракетинин натыйжасында милиция кызматкерлери тарабынан кылмышка шектүү катары 1981-жылы туулган Ш.Б., аттуу жаран кармалган.
Учурда аталган факты боюнча “Уурулук” беренесине ылайык кылмыш иши козголду.
Пикир
Оставить комментарий