Бишкекте турак үйдөн өрт чыгып, бир адам жабыркады

Бишкек, 17.06.22. /Кабар/. Бишкектин Красная көчөсүндөгү турак үйдө өрт чыккан.

Өзгөчө кырдаалдар министрлигинен билдиришкендей, үйдүн 50 чарчы метр шыбы жана эки терезеси күйгөн.

Өрттүн натыйжасында 63 жаштагы М.Т.Б. аттуу жаран биринчи даражадагы күйүк алган.

Өрттүн себеби такталууда.

Белгилей кетсек, сутка ичинде республиканын аймагында 14 өрт кырсыгы катталып, өрттү өчүрүүгө 16 бөлүм тартылган.