Бишкек, 13.10.20. /Кабар/. Куралдуу күчтөр, милиция кызматкерлери жана элдик кошуундар Бишкек шаарынын коопсуздугун кароодо. Бул тууралуу Бишкек шаардык милициясынан билдиришти.
Шаардык милиция билдиргендей, коменданттык саат учурунда шаар аймагында кайгуул жүргүзүлүп, шаардын четтеринде блок-посттор коюлган.
Эскертке кетсек, Бишкекте өзгөчө абал президенттин жарлыгы менен 12-октябрь саат 20:00дөн тартып 19-октябрь саат 08:00гө чейин экинчи ирет киргизилген. Эгерде Жогорку Кеңеш жарлыкты 3 күндүн ичинде бекитпесе, ал жарлык жокко чыгат. Шаарда коменданттык саат кечки 22:00дөн таңкы саат 05:00гө чейин деп белгиленген.
Пикир
Оставить комментарий